നെടുമ്പന
ഗ്രാമ പഞ്ചായത്ത്

കൊല്ലം താലൂക്കിന്റെ കിഴക്കന്‍ അതിര്ത്തി യിലെ അവികസിത ഗ്രാമങ്ങള്‍ ഉൾക്കൊള്ളുന്ന പഞ്ചായത്താണ് നെടുമ്പന ഗ്രാമ പഞ്ചായത്ത്. പഞ്ചായത്ത് ഭരണ സമിതി 1995 ഒക്ടോബര്‍ 2-ന് അധികാരത്തില്‍ വന്നു. പഞ്ചായത്ത് രാജ് സംവിധാനം നിലവില്‍ വന്ന ശേഷം തെരഞ്ഞെടുക്കപ്പട്ട ആദ്യ സമിതി എന്ന സവിശേഷത ഈ ഭരണ സമിതിക്കുണ്ട്. നെടുമ്പന ഗ്രാമപഞ്ചായത്ത് ഇത്തിക്കര ബ്ളോക്ക് പഞ്ചായത്തില്‍ വടക്ക്: കരീപ്ര പഞ്ചായത്ത് പ്രദേശം, തെക്ക്: ആദിച്ചനല്ലൂര്‍ പഞ്ചായത്ത് പ്രദേശം, കിഴക്ക്: പൂയപ്പള്ളിപഞ്ചായത്ത് പ്രദേശം, പടിഞ്ഞാറ്: തൃക്കോവിൽവട്ടം, കൊറ്റങ്കര പഞ്ചായത്ത് പ്രദേശങ്ങള്‍ എന്നിവയാല്‍ ചുറ്റപ്പെട്ട് കിടക്കുന്നു. ഈ പഞ്ചായത്തിലെ ഭൂരിഭാഗം പ്രദേശങ്ങളും “ഇടനാട്” വിഭാഗത്തിൽ പെടുന്നു. ഭൂമിശാസ്ത്രപരമായി വേർതിരിക്കപ്പെട്ട കൊച്ചു തുരുത്തുകളായിരുന്നു ഈ ഗ്രാമം. കാളവണ്ടികളും, വില്ലുവണ്ടികളുമായിരുന്നു യാത്രയ്ക്ക് ഉപയോഗിച്ചിരുന്നത്.